موقع هاجر lalahajar موقع هاجر lalahajar
مطبخ

آخر الأخبار

مطبخ
مطبخ
جاري التحميل ...
مطبخ

‏اللقيمات

‫#‏موضوعنا‬ النهاردة عن نظام حياه هتتعودي عليه ومش رجيم يحرمنا من اي حاجه 
*وده مرجع وملخص لنظام اللقيمات للحالات المختلفه
‫#‏اولأ‬: نظام 
اللقيمات بمفهومه العام بشكل مبسط ‫#‏اللقيمات‬#
هو نظام حياه بمعني ان اللي بينوي يبداه بيستمر فيه طول عمره ودي حاجه هتكون لاارادية بعد فتره لان هيحصل تعود علي كميه اكل معينه بتدخل المعدة اول ماتاكليها بتلاقي نفسك خلاص مش قادرة تاخدي لقمه زياده
‫#‏رجيم‬ اللقيمات# مش بيحدد نوعيه الاكل وده مهم في ان اي حد باي مستوي معيشي يقدر يطبقه لان نوعيه الاكل مش هي الاساس ولكن الاساس هو كميه الاكل خليكو معايا
‫#‏سؤالنا‬ بقي ازاي نطبق اللقيمات؟
في اليوم ليكي 5 لقيمات +وجبه مفرحه
‫#‏ومعني‬ اللقيمات؟ اي نوع اكل في حجم تلت الكف ودي امثله:تفاحه-موزه-برتقاله-خياريه-جزرايه(يعني اي ثمرة فاكهه او خضار) ولو ثمرة نوعها صغير ذي العنب مثلا تبقا حوالي 3/4 كوب منها ربع رغيف قطعه بيتزا بحجم تلت كف الايد قطعه كيك بحجم كف الايد (اي حاجه بحجم تلت كف الايد)
بس خالي بالك مش مفروض تكرر لقيمه النشويات خلال اليوم يعني مش كل 3 ساعات اكل ربع رغيف لكن ممكن طبعا تكرر لقيمات الفاكهه والخضار اكثر من مره في اليوم
كوب نسكافيه- كوب عصير كوب شاي كوب لبن (اي مشروب بيكون لقيمه لما نحط عليه سكر او لبن او طبعا العصاير
‫#‏الوجبه‬ المفرحه : عبارةعن 3 حجات مهمه واساسيه:
اولأ: طبق سلطة متوسط وعلية معلقة زيت زيتون
ثانيا:طبق يحتوي علي طعام المنزل قسمية 3 اجزاء
الجز الاول:4 معالق نشويات(ارز او مكرونةاو بطاطيس اوربع رغيف عيش)
الجز الثاني:قطعه بروتين مسلوق او مشوي(ربع فرخه صغير من غير جلداو قطعتين لحم احمر او سمكه او 2 بيضه)
الجز الثالث:لو موجود خضارمطبوخ(فاصوليا-ملوخية-سبانخ ..)
وخليهم بوله صغيره
ثالثا:طبق يحتوي علي قطعه حلويات بحجم علبه الكبريت بس هتخلي موضوع الحلويات ده مرة او مرتين في الاسبوع مش كل يوم يعني
المشروبات مسموحلك ب 3 معالق سكر في اليوم
‫#‏في‬ بقي سرين خطيرين ومساعدين جدا في نزول الوزن#
1:اشرب من 2 الي 3 لتر ماية في اليوم
2:اكل 3 لوزات او 5 حبات سوداني
‫#‏اهمية‬ اللوز او السوداني انه بينشط منطقة الشبع في المعدة لان الطعام الصلب بيبقي في المعدة مدة طويله واللوز او السوداني طعام طلب فينشط منطقه الشبع نقطه الهاشمي للشبع

نقطه الهاشمي للشبع ودي اكتشفها دكتور محمد الهاشمي والفايده بقي انك تحسي بالشبع بسرعه ومعدتك متكونش اتملت بالاكل وتنشيط المنطقة دي بتخليكي تعرفي امتي تشبعي شبع حقيقي مش مجرد ملي للبطن وانك تخلي الطبق اللي قدامك وبس
#اللوز او السوداني بس فقط لاغير مينفعش اي حاجه تحل محلهم
#ومهم اوي انك متشربيش ماية ابدا بعد اللوز او السوداني
#ومعاد اللوز او السوداني بيبقي كلقيمه عاديه خلال اليوم او قبل الوجبه المفرحه بساعتين كل نص ساعه تاخدي 3 حبات لوز او 5 حبات فول سوداني وامضغهم مضغ غير كامل مش اتنعمهم قوي علشان يثبتوا في منطقة الشبع وعدد حبات خلال اليوم
12 حبه لوز
20 حبه فول سوداني
#ترتيب الوجبه المفرحه:وياريت نبدا الوجه المفرحه بالماية وبعدها بنص ساعه بندا في الاكل بالترتيب ده:
1:السلطه - 2: البروتين(الفراخ او اللحمه او السمك او البيض)
وبعدها 4 م ارز+بوله الخضار
بالشكل ده هتحسي بالشبع ومش هنطلب نشويات زيادة
#نقطات مهمه :لقيمه الفطار بتبقي لقيمتين مع بعض يعني مثلا
ربع رغيف بلدي+4 معالق فول+خيارة
ممكن تبدلي الفول بالبيض المسلوق او جبنة قريش
#بصوا بقي في قواعد اساسية لازم اتباعها#
1-شرب اي سوائل مايه شاي .. لازم تبعد عن الاكل بنص ساعه قبل الاكل او بعده
2-ممنوع اكل اي مقليات اول 3شهور في اللقيمات
3- اي مشروب فيه لبن او سكر يعتبر لقيمه
4- عدم تكرار لقيمات نشويه خلال اليوم يعني مش كل 3 ساعات اكل ربع رغيف
5- الحلويات مرة او مرتين بس خلال الاسبوع
6-الفرق بين كل لقيمه والثانيه من ساعتين او 4 ساعات
وفي بدايه التزامك باللقيمات خلي الفرق بين اللقيمات ساعتين لمدة 10 ايام وبعده كده زودي عدد الساعات
7- معاد الوجبه المفرحه ممكن في اي وقت من اليوم بس الافضل انها تكون بدري قبل النوم بمده كافيه طبعا ويكون بعدها لقيمه حفيفه ممكن زبادي او ربع رغيف فول جبنة فوع فاكهه (ثمرتين او فيشار
8: المشروبات: مسموحلك ب3 معالق سكر في اليوم
##شرب الماية معادو بيكون امتي ؟
اول ماتصحي علي الريق خدي كوبيتين ماية وقبل اللقيمات او قبل اكل اللوز قبل الوجبه المفرحه بنص ساعه كوبيتين مايه برضو يعني مفيش مايه في وسط الاكل او بعد الاكل مباشرة
#ديه نموذج ليوم عادي نظام اللقيماه
النظام ياقمر هيبقي كالتالي اهم حاجه تفطري ويكون وقت الفطار بدري علشان جسمك يحرق اكتر طول اليوم
لسه برضه في تكميل خليكم معايا
مثال للفطار :ربع رعيف بلدي+4 معالق فول+خيارة
ممكن تبدلي الفول بالبيض مسلوقه او جبنه قريش
بعد 3 ساعات علي الاكثر ناخد سناك خضار(خيار اوخس)او فاكهه من المسموح تفاحه مثلا بعد 3 ساعات علي الاكثر نقول مثلا
وجبه الغداء:اي نوع بروتين(فراخ-لحمه-بيض مسلوقه طبعا كله مسلوق او مستوي في الفرن من غير دهون ولا جلد +3 معالق ارز+بوله خضار+طبق سلطه كبير(مهم جدا)
-ممكن ناخد سناك تانية
العشاء ممكن زبادي او ربع رغيف فول+او جبنه او نوع فاكهة ثمرتين او فشار
-المشروبات :مسموحلك ب3 معالق سكر في اليوم
#مشروبات حارقه الدهون#
مغلي البقدونس-جنزبيل مع قرفه-حبه البركه-شاي اخضر-كمون ليمون-او بردقوش
برحتك اختاري
###
#نظام اللقيمات للمرضعات
الافطار: 2 بيضه مسلوقه او بطاطس مسلوقه +3 ملاعق فول بمعلقه صغيره من زيت الزيتون+نص رغيف خبز اسمر
3 انواع من الخضروات منها واحده ورقيه كالخس او الجرجير او الفجل
اكوب زبادي او منتج منتجات اللبن قليل الدسم
#الغذاء: فنجان شوربه بدون دسم طبق كبير سلاطه خضراء +نصف فرخه او 2 شريحه لحم
او سمك متوسطه او كبده (يفضل المسلوق ) او علبه تونه مصفاه الزيت
3 ملاعق ارز او مكرونه او نص رغيف خبز اسمر
العشاء: 1 كوب لبن او لبن رايب +2 فاكهه من فواكهه الموسم
ملحوظه مهمه جدا
في صباح علي الريق شرب ماية دافية بعصره ليمون تخسيس الكرش
وشكرا يارب يعجبكم الموضوع


لولو# ♥

التعليقات



جميع الحقوق محفوظة

موقع هاجر lalahajar

2016